اضحك إضحك دة الضحك ببلاش

 
اضحك

إضحك دة الضحك ببلاش
من غيره الدنيا ازاي تتعاش

لو كنت وزير أو نقاش
إيش ضمنك تصحى في يوم والضحكة متلقهاش

عيش اللحظة بالأبتسامة (بلبتسامة) على وشوشنا تصبح لوح رسامة

إضحك من جوة قلبك هتلاقي الفرح يشاور عليك ويندهلك

والحب معنى من معاني المدح
سهر وعشق وحضن وأشواق وفرح

الضحكة ساعات تدمع عنينا
حافظة سرنا دايما ومضللة علينا

والدمعة تنزل نهر فرح
تداوي في حياتنا أي جرح

إضحك من جواك هتلاقي الدنيا صرح
يهز مشاعرك من كره لأحلى فرح

لو مهما في حياتك شقيت ودوقت الكدح
هتلاقي فـنكتة أو فيلم كوميدي أحلى ابتسامة مل قلب تطلع
ودة الصح

إضحك دة الضحك ببلاش
من غيره الدنيا ازاي تتعاش

لو كنت وزير أو نقاش
إيش ضمنك تصحى في يوم والضحكة متلقهاش

لـ
محمود الإسناوي